Saturday, August 20, 2022
HomeUncategorizedગુજરાતમાં નવેમ્બરના ત્રીજા સપ્તાહમાં વિધાનસભાની ચૂંટણી યોજાય તેવી શક્યતા - gujarat assembly...

ગુજરાતમાં નવેમ્બરના ત્રીજા સપ્તાહમાં વિધાનસભાની ચૂંટણી યોજાય તેવી શક્યતા – gujarat assembly elections likely to be held in the third week of november

અમદાવાદ: ગુજરાતમાં વિધાનસભાની ચૂંટણીઓને લઈને ભાજપ અને આમ આદમી પાર્ટીએ તો ક્યારની તૈયારીઓ શરૂ કરી દીધી છે. કોંગ્રેસ હજુ આંતરિક ઝઘડાઓ ઉકેલવામાં પડી છે. ત્યારે હવે જાણવા મળી રહ્યું છે કે, રાજ્યમાં નવેમ્બરના ત્રીજા સપ્તાહમાં વિધાનસભાની ચૂંટણી યોજાય તેવી શક્યતા છે. તેના માટે રાજ્યના ચૂંટણી પંચે તૈયારીઓ પણ શરૂ કરી દીધી હોવાનું કહેવાઈ રહ્યું છે. એક ઉચ્ચ અધિકારીએ અમદાવાદ મિરરને જણાવ્યું હતું કે, ઓક્ટોબરમાં દિવાળી પછી તરત જ આ જાહેરાત થવાની શક્યતા છે. આ પહેલા ડિસેમ્બરના પ્રથમ સપ્તાહમાં ચૂંટણી યોજાવાની વાત હતી. પરંતુ હવે તે વહેલી યોજાશે તેવી શક્યતા વ્યક્ત કરાઈ રહી છે.

રાજ્યના ચૂંટણી પંચે મતદાર યાદીની ચકાસણી અને નવા મતદારોની નોંધણીનું કામ શરૂ કરી દીધું છે. આ ઉપરાંત કર્મચારીઓ માટે મતદાન પ્રક્રિયાઓ અને તેને સંબંધિત કામો માટે શિબિરો અને સેમિનારોનું ચૂંટણી પંચે આયોજન પણ કરી રહ્યું છે. જો વહેલી ચૂંટણી યોજાશે તો વર્તમાન સરકાર પાસે માત્ર ત્રણ મહિના જેટલો સમય બચશે. રેવન્યુ રેકોર્ડ મુજબ ચોમાસાની ઋતુ 15 સપ્ટેમ્બર સુધી હોવાથી સરકાર કોઈ મોટા પ્રોજેક્ટ હાથ ધરી શકશે નહીં.

ભપેન્દ્ર પટેલની સરકારને પોતાનું કામ બતાવવા માંડ એક વર્ષનો સમય મળ્યો છે
રાજ્યમાં નેતૃત્વ પરિવર્તન પછી આવેલી ભૂપેન્દ્ર પટેલની સરકારને માંડ એક વર્ષનો સમય મળ્યો છે. ત્યારે ભાજપના મોવડીમંડળનો નેતૃત્વ પરિવર્તનનો નિર્ણય યોગ્ય હતો કે નહીં તે પણ આ ચૂંટણીના પરિણામોથી સ્પષ્ટ થઈ જશે. આ ચૂંટણીમાં હાલ તો કોંગ્રેસ ક્યાંય સ્પર્ધામાં દેખાતી નથી, પરંતુ આમ આદમી પાર્ટી રાજ્યમાં પોતાની હાજરી નોંધાવવા ઘણું જોર લગાવી રહી છે. ત્યારે ભાજપ માટે આ ચૂંટણી માત્ર જીતવાનું જ નહીં, પરંતુ સારી બેઠકો પર વિજય સાથે જીતવું ઘણું મહત્વનું છે. જેથી ભાજપ ગુજરાત તેનો ગઢ છે તે સાબિત કરી શકે.
વેરાવળ: અરવિંદ કેજરીવાલે આપી રોજગારની ગેરંટી, 10 લાખ સરકારી નોકરી, 3 હજાર બેરોજગારી ભથ્થું
વડાપ્રધાન મોદીની વારંવારની મુલાકાતોએ રાજ્યને ચૂંટણી મોડમાં લાવી દીધું
ભાજપ માટે આ ચૂંટણી કેટલી નિર્ણાયક છે, તે એ વાત પરથી સ્પષ્ટ થાય છે કે, વડાપ્રધાન નરેન્દ્ર મોદી દર મહિને રાજ્યની મુલાકાત લઈ રહ્યા છે. છેલ્લા ત્રણ મહિનામાં મોદી છથી વધુ વખત ગુજરાતની મુલાકાતે આવ્યા છે, જેથી રાજ્ય ચૂંટણી મોડમાં આવી ગયું છે. પીએમ મોદીએ રાજ્યમાં કરોડો રૂપિયાના પ્રોજેક્ટ્સ લોન્ચ કર્યા છે. જેમાં ગાંધીનગરની ગિફ્ટ સિટી (Gift City)માં શરૂ કરાયેલા સૌથી મહત્વાકાંક્ષી ઈન્ડિયા ઈન્ટરનેશનલ બુલિયન એક્સચેન્જ (IIBX)નો સમાવેશ થાય છે. તેમણે એનએસઈ આઈએફએસસી-એસજીએક્સ (NSE IFSC-SGX) કનેક્ટ પણ લોન્ચ કર્યું છે. મુખ્યમંત્રીએ પણ શહેરી વિસ્તારોને ધ્યાનમાં રાખી ઘણી યોજનાઓનો શિલાન્યાસ કર્યો છે.

લઠ્ઠાકાંડઃ રોજીદ ગામના લોકોએ ભેગા થઈને લીધો મોટો નિર્ણય, થઈ રહી છે વાહવાહી
ભાજપ, કોંગ્રેસ અને આમ આદમી પાર્ટીએ શરૂ કરી દીધી ચૂંટણીની તૈયારીઓ
ભાજપ દ્વારા પાર્ટીના કાર્યક્રમો જિલ્લા સ્તરે શરૂ યોજાઈ રહ્યા છે અને ધારાસભ્યોને તેમના મતવિસ્તાર પર ધ્યાન કેન્દ્રીત કરવા કહેવાયું છે. જોકે, હાલના ઘણા ધારાસભ્યોનું પત્તું કપાય તેવી શક્યતા વ્યક્ત કરાઈ રહી છે. બીજી તરફ કોંગ્રેસે તેના સ્થાનિક નેતાઓને ખભે ચૂંટણી જીતાડવાની જવાબદારી નાખી છે. ઉપરાંત 2017માં કોંગ્રેસને 25 વર્ષના સૌથી વધુ બેઠકો સુધી પહોંચાડવામાં મહત્વની ભૂમિકા ભજવનાર રાજસ્થાનના મુખ્યમંત્રી અશોક ગેહલોતને ફરી ગુજરાતની જવાબદારી સોંપી છે. તો, આમ આદમી પાર્ટીના કન્વીનર અને દિલ્હીના મુખ્યમંત્રી અરવિંદ કેજરીવાલે પણ ગુજરાત પર ફોકસ વધારી દીધું છે અને ગુજરાતની મુલાકાતો વધારી દીધી છે.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments