Saturday, August 20, 2022
HomeUncategorizedવેરાવળ: અરવિંદ કેજરીવાલે આપી રોજગારની ગેરંટી, 10 લાખ સરકારી નોકરી, 3 હજાર...

વેરાવળ: અરવિંદ કેજરીવાલે આપી રોજગારની ગેરંટી, 10 લાખ સરકારી નોકરી, 3 હજાર બેરોજગારી ભથ્થું – delhi cm arvind kejriwal second rally in veraval announced 10 lakh government jobs in 5 years

Veraval Arvind Kejriwal Rally: ગુજરાતમાં આમ આદમી પાર્ટી દ્વારા ચૂંટણીની તડામાર તૈયારીઓ કરી દેવામાં આવી છે. દસેક દિવસ બાદ દિલ્હીના મુખ્યમંત્રી અરવિંદ કેજરીવાલ દ્વારા આજ રોજ વેરાવળ ખાતે બીજી રેલીનું આયોજન કરાયું હતું. અગાઉ ગુજરાતમાં 300 યુનિટ ફ્રી વીજળી આપવાની ગેરંટી આપ્યા બાદ અરવિંદ કેજરીવાલે આજે ફરીથી રાજ્યના લોકોને રોજગારને લઈને બીજી એક મોટી ગેરંટી આપી છે. અરવિંદ કેજરીવાલે રેલીને સંબોધતાં જણાવ્યું હતું કે, રાજ્યમાં પાંચ વર્ષમાં દરેક બેરોજગારને રોજગાર મળશે, જ્યાં સુધી રોજગાર નહીં મળે ત્યાં સુધી દર મહિને 3 હજાર રૂપિયા બેરોજગારી ભથ્થું આપવામાં આવશે. આ ઉપરાંત કેજરીવાલે મોટી જાહેરાત કરતાં જણાવ્યું હતું કે, 10 લાખ લોકોને સરકારી નોકરી આપવામાં આવશે. અને પેપરલીક માટે આપની સરકાર અલગથી કાયદો બનાવશે તેમ પણ દિલ્હીના CM અરવિંદ કેજરીવાલે જણાવ્યું હતું.
દિલ્હીમાં 12 લાખ રોજગારી આપી, ગુજરાતમાં દરેક બેરોજગારને રોજગારી આપીશું
અરવિંદ કેજરીવાલે વેરાવળ રેલીમાં લઠ્ઠાકાંડનો મુદ્દો ઉઠાવ્યો હતો. સંબોધનની શરૂઆતમાં કેજરીવાલે લઠ્ઠાકાંડમાં મોતને ભેટેલાં 50થી વધુ લોકો માટે 2 મિનિટનું મૌન પાળ્યું હતું. આ ઉપરાંત મફતમાં વીજળી બાદ કેજરીવાલે રાજ્યમાં બીજી મોટી ગેરંટી આપી હતી અને તે હતી રોજગારની ગેરંટી. કેજરીવાલે કહ્યું કે, 5 વર્ષની અંદર દરેક બેરોજગાર યુવાનને રોજગારી આપીશું. તમે કહેશો કે કેજરીવાલ ખોટું બોલી રહ્યા છે. પણ હું તે દિલ્હીમાં કરીને આવ્યો છું.દિલ્હીમાં છેલ્લા 5 વર્ષમાં 12 લાખ લોકોને રોજગારી આપી છે. અને આગામી 5 વર્ષમાં બીજી 20 લાખ રોજગારી આપીશ. જો ગુજરાતમાં આમ આદમી પાર્ટની સરકાર બનશે, તો દરેક બેરોજગાર યુવાનને અમે રોજગાર આપીશું.

દર મહિને 3 હજાર બેરોજગારી ભથ્થું, પેપરલીક સામે કાયદો લાવીશું
આ ઉપરાંત કેજરીવાલે કહ્યું કે, જ્યાં સુધી રોજગારી નહીં મળે ત્યાં સુધી દરેક બેરોજગારને 3 હજાર રૂપિયાનું દર મહિને બેરોજગારી ભથ્થું મળશે. 10 લાખ સરકારી નોકરી આપીશું તેમ પણ કેજરીવાલે જણાવ્યું હતું. આ માટેની તમામ પ્લાનિંગ પણ કરી દીધી હોવાનું કેજરીવાલે જણાવ્યું હતું. કેજરીવાલે કહ્યું કે, ગુજરાતમાં તમામ પેપરો લીક થઈ જાય છે, જેનાથી તમામ બાળકો પરેશાન છે. જેની સામે અમે કાયદો લઈને આવીશું. લીક પાછળના માફિયાઓને સખતમાં સખત સજા કરીશું. સહકારિતાના ક્ષેત્રમાં નોકરીઓનું સિસ્ટમ પારદર્શી કરીશું અને નેતાઓની ભલામણથી નોકરી નહીં મળે. આ ઉપરાંત કેજરીવાલે કહ્યું કે, 5 મહિના રહી ગયા છે, કોઈ આત્મહત્યા ન કરે.

દારૂબંધી મામલે ભાજપ સરકાર પર પ્રહાર
આ ઉપરાંત કેજરીવાલે કહ્યું કે, જે પોતાના બાળકોને ઝેરી દારૂ પીવડાવા માગે છે, તેઓ ભાજપને વોટ આપે અને જે લોકો પોતાના બાળકોને શિક્ષા અને રોજગાર જોઈએ છે, તે અમને વોટ આપે. આ લોકોને વોટ આપશો તો ઝેરી દારૂ અને ભ્રષ્ટાચાર મળશે, અમને વોટ આપશો તો સ્કૂલ અને રોજગાર મળશે. આ ઉપરાંત કેજરીવાલે કહ્યું કે, હું જ્યારે હોસ્પિટલમાં ગયો ત્યારે મેં તેમને પુછ્યું કે, તમે દારૂ ક્યાંથી લાવ્યા. તો તેઓએ કહ્યું દરરોજ સાંજે આવે છે અને વેચાઈ છે. ગામડે-ગામડે અને શહેરોમાં ખુલ્લેઆમ વેચાઈ છે. ફોન કરો તો ઘરે ડિલિવરી કરી જાય છે. ગુજરાતમાં હજારો કરોડ રૂપિયાનો ગેરકાનૂની દારૂનો ધંધો છે.

રેવડીને લઈને પણ કર્યાં પ્રહાર
કેજરીવાલે કહ્યું કે, ભાજપ મોડલમાં ઝેરી દારૂ, ભ્રષ્ટાચાર મળશે, બાળકો આત્મહત્યા કરશે અને તમામ રેવડી સ્વિસ બેંકમાં જશે. જ્યારે AAP મોડલમાં મફત વીજળી, સારી શાળાઓ અને હોસ્પિટલો અને બધી રેવડી તમારી વચ્ચે વહેંચવામાં આવશે. તમારે નક્કી કરવાનું છે કે કયું મોડેલ પસંદ કરવું.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments