ગુડ્સ એન્ડ સર્વિસ ટેક્સ કલેક્શનનો જુલાઈ મહિનાનો ડેટા આવી ગયો છે અને તેમાં પાછલા મહિનાની સરખામણીએ વધારો થયો છે.સરકારી આંકડા અનુસાર,જુલાઈ મહિનામાં GST કલેક્શન ગયા વર્ષના સમાન સમયગાળાની સરખામણીમાં ૨૮ ટકા વધ્યું છે.જુલાઈ મહિનામાં જીએસટી કલેક્શનમાંથી ૧,૪૮,૯૯૫ કરોડ રૂપિયા સરકારી તિજોરીમાં આવ્યા છે.
તે જ સમયે,ગયા મહિને GST કલેક્શન ૧,૪૪,૬૧૬ કરોડ રૂપિયા હતું.જુલાઈ ૨૦૨૧ માં GST કલેક્શન ૧,૧૬,૩૯૩ કરોડ રૂપિયા હતું.જુલાઈ મહિનામાં જીએસટી કલેક્શનની રકમ કોઈપણ એક મહિનામાં ટેક્સ કલેક્શનનો બીજો સૌથી મોટો આંકડો છે.જુલાઈ મહિનામાં ગ્રોસ GST કલેક્શન રૂ. ૧,૪૮,૯૯૫ કરોડ હતું.
જેમાં સેન્ટ્રલ જીએસટી કલેક્શન ૨૫,૭૫૧ કરોડ, સ્ટેટ જીએસટી કલેક્શન ૩૨,૮૦૭ કરોડ, ઈન્ટિગ્રેટેડ જીએસટી ૭૯,૫૧૮ કલેક્શન કરોડ અને સેસની મદદથી કુલ ૧૦,૯૨૦ કરોડ રૂપિયા તિજોરીમાં આવ્યા.૭૯,૫૧૮ કરોડના IGST કલેક્શનમાં આયાતમાંથી ૪૧,૪૨૦ કરોડની રકમ સરકારી તિજોરીમાં આવી છે.તે જ સમયે,૧૦૯૨૦ કરોડના સેસમાંથી, ૯૯૫ કરોડની રકમ આયાતની મદદથી આવી છે.
નાણા મંત્રાલયના જણાવ્યા અનુસાર,જુલાઈ ૨૦૨૧ માં GST ની આવક ગયા વર્ષની સરખામણીમાં ૩૫ ટકા વધુ છે.મે ૨૦૨૨ માં સરકારને GSTમાંથી ૧.૪૦ લાખ કરોડ રૂપિયા મળ્યા હતા.આ વર્ષે એપ્રિલમાં જીએસટીએ સૌથી વધુ કલેક્શનનો રેકોર્ડ બનાવ્યો હતો. એપ્રિલ ૨૦૨૨ માં સરકારને GST માંથી ૧.૬૮ લાખ કરોડ રૂપિયા મળ્યા હતા.
માર્ચ ૨૦૨૨ માં પણ પરોક્ષ કરમાંથી રૂ.૧.૪૨ લાખ કરોડ મળ્યા હતા.આ પહેલા ફેબ્રુઆરીમાં GST કલેક્શન ૧.૩૩ લાખ કરોડ રૂપિયા હતું.નાણાપ્રધાન નિર્મલા સીતારમણની અધ્યક્ષતામાં જૂનના અંતમાં GST કાઉન્સિલની ૪૭ મી બેઠક યોજાઈ હતી.બેઠકમાં GST કાઉન્સિલે અમુક ખાદ્ય ચીજવસ્તુઓ પર GST વસૂલવાનો નિર્ણય લીધો હતો,જેને આ ટેક્સ સ્લેબની બહાર રાખવામાં આવી હતી.
આ પછી,૧૮ જુલાઈથી, દહીં, લસ્સી, ચોખા, પનીર અને અન્ય રોજિંદા વસ્તુઓ પર GST લાગુ કરવામાં આવ્યો છે.તેની અસર પેકેજ્ડ દૂધની બનાવટો અને અન્ય વસ્તુઓના ભાવ પર દેખાવા લાગી છે.GST કાઉન્સિલે ટેટ્રા પેક્ડ દહીં, લસ્સી અને બટર મિલ્ક પર ૫ % GST વસૂલવાનો નિર્ણય લીધો હતો.
