Saturday, August 20, 2022
HomeUncategorizedશ્રાવણમાં પ્રચલિત થયું Farmani Naazએ ગાયેલું 'હર-હર શંભુ..' ભજન, મુસ્લિમ ધર્મગુરુ થયા...

શ્રાવણમાં પ્રચલિત થયું Farmani Naazએ ગાયેલું ‘હર-હર શંભુ..’ ભજન, મુસ્લિમ ધર્મગુરુ થયા નારાજ – farmani naaz sing har har shambhu song in shravan maas muslim religious leaders not happy

Farmani Sing Har Har Shambhu: ઈન્ડિયન આઈડલ ફેમ અને ઉત્તરપ્રદેશના સિંગર (UP Singer) ફરમાની નાઝ (Farmani Naaz)એ કટ્ટરપંથીઓના નિશાના પર આવી ગઈ છે. તેમણે ગાયેલું ભજન મુસ્લિમ ધર્મગુરુઓને પસંદ પડ્યું નથી. તેમણે ફરમાનીએ ગાયેલા ગીતની નિંદા કરી છે. જોકે, ફરમાનીનું કહેવું છે કે કટ્ટરપંથીઓ દુઃખી થયા હોય તેને તે મહત્વ આપતા નથી. અમારા સહયોગી ટાઈમ્સ નાઉ સાથે સિંગર ફરમાનીએ વાતચીત કરી છે જેમાં તેમણે કહ્યું કે કલાકારનો કોઈ ધર્મ હોતો નથી. તે કવાલી, ભજન સહિત તમામ ગીતો ગાય છે.

યુપીના મહિલા સિંગરે શિવ પર ગાયું ભજન
મુઝફ્ફરના રહેવાસી ફરમાની પોતાના ભક્તિ ગીતો યુટ્યુબ પર અપલોડ કરે છે. શ્રાવણ મહિનામાં હર-હર શંભુ.. ભજન ઘણું જ લોકપ્રિય થઈ રહ્યું છે, પરંતુ તેમની લોકપ્રિયતા અને શિવ ભજન મુસ્લિમ ધર્મગુરુઓને પસંદ પડ્યું નથી. ફરમાનીના ગીત પર કટ્ટરપંથીઓએ ફતવો બહાર પાડીને તેમણે કરેલા કામને હરામ ગણાવ્યું છે. ફરમાનીએ ઈન્ડિયન આઈડલમાં પણ ગીત ગાયા છે પરંતુ પોતાના બાળકની તબિયત ખરાબ હોવાથી તેણે રિયાલિટી શો છોડીને પરત આવવું પડ્યું હતું.

મુસ્લિમ ધર્મગુરુ થયા છે નારાજ
એક મૌલવીએ કહ્યું કે ઈસ્લામમાં કોઈ પણ પ્રકારના નાચ-ગાનને અવકાશ નથી. ગીત-સંગીત ઈસ્લામમાં હરામ છે. તેનાથી મુસ્લિમોએ દૂર રહેવું જોઈએ. હરમાનીએ જે ગીત ગાયું છે તે હરામ છે, માટે તેણે આ છોડવું જોઈએ.

ફરમાનીનું કહેવું છે કે તેમના પતિએ અન્ય મહિલા સાથે લગ્ન કરી લીધા છે. સાસરેથી નીકળ્યા પછી તેઓ પિયરમાં રહે છે. તેમના દીકરાને શારીરિક તકલીફ છે. તે પિયરમાં રહીને ગીતો ગાઈને પોતાના પરિવારનું ભરણ પોષણ કરે છે. તેઓ કહે છે કે તેઓ ભજન અને ગીતો ગાય છે. યુટ્યુબ પર ફરમાનીના લાખો ચાહકો છે. તેમના 3.33 મિલિયન સબસ્ક્રાઈબર છે. તેઓ પોતાના ભાઈ અને રાહુલ બચ્ચન સાથે મળીને યુટ્યુબ પર ગીતો બનાવે છે.

ભાજપે શું કહ્યું?
મુસ્લિમ સિંગરે ભજન ગાયું તેનો વિરોધ થઈ રહ્યો છે ત્યારે ભાજપના પ્રદેશ કાર્યસમિતીના સભ્ય જયવર્ધન જોશીએ કહ્યું છે કે, “પ્રસિદ્ધ શિવ ભજન ‘હર-હર શંભુ’ ગાનારા ફરમાની નાઝજીને પરિવારે ઘરમાંથી કાઢી મૂક્યા, ઈસ્લામિક કટ્ટરપંથીઓ દ્વારા ફતવો જારી કરીને ધમકી આપવામાં આવી રહી છે. ક્યાં ગઈ હવે દેશની ગંગા-યમુના તહેજીબ, ક્યાં ગયો દેશનો સેક્યુલરવાદ?”

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments